പരാജയത്തിൻറെ പ്രധാന്യം എന്ത്

ട്രാഫ് ഒ ഡാറ്റാ കമ്പനി- ബിൽഗേറ്റ്സിൻറെ ആദ്യ കമ്പനി. ട്രാഫിക് സിഗ്നൽ നിന്ന് ലഭിക്കുന്ന വിവരങ്ങൾ വിശകലനം ചെയ്തു ട്രാഫിക് കൺട്രോൾ യൂണിറ്റിൽ ഉള്ളവരിലേക്ക് എത്തിക്കുന്ന കമ്പനിയായിരുന്നു അത്. ഈ ആശയവുമായി ബിൽഗേറ്റ്സ് ട്രാഫിക് ഡിപ്പാർട്ട്മെൻറ് നെ സമീപിച്ചപ്പോൾ അവർ ആ ആശയത്തെ നിരസിച്ചു. അങ്ങനെ അദ്ദേഹം തൻറെ ആദ്യ കമ്പനിയുടെ നിർമാണത്തിൽ തന്നെ പൂർണ്ണ പരാജയമായി തീർന്നു. അഖിയോ മോറിറ്റ- സോണി കമ്പനിയുടെ ഫൗണ്ടർ. അദ്ദേഹത്തിൻറെ ആദ്യ ഉൽപ്പന്നം റൈസ് കുക്കർ ആയിരുന്നു.ആ ആശയം സമ്പൂർണ പരാജയമായി. ഇവൻ വില്യംസ്- ഫൗണ്ടർ ഓഫ് ട്വിറ്റർ. ട്വിറ്റർ ന് മുമ്പ് അദ്ദേഹം സ്വന്തമായി ഒരു പോഡ്കാസ്റ്റിംഗ് പ്ലാറ്റ്ഫോം നിർമ്മിച്ചു. എന്നാൽ കുറച്ചു നാളുകൾക്കു ശേഷം ആപ്പിൾ അവരുടെ ഐടൂൺ വിഭാഗത്തിൽ പോഡ്കാസ്റ്റിംഗ് വിഭാഗം ഉൾപ്പെടുത്തി. ഇതോടെ രാത്രിക്ക് രാത്രി അദ്ദേഹത്തിന് അദ്ദേഹത്തിൻറെ കമ്പനി പൂട്ടേണ്ടി വന്നു.

റെഡ് ഹോഫ്മാൻ- ഫൗണ്ടർ ഓഫ് ലിൻങ്ക്ഡൻ.അദ്ദേഹം ലിങ്ക്ഡനു മുമ്പ് ഒട്ടനവധി സോഷ്യൽ മീഡിയ അപ്ലിക്കേഷനുകൾ നിർമ്മിച്ചു എങ്കിലും പൂർണമായും പരാജയപ്പെട്ടു. ആമസോൺ ൻറെ ഫൗണ്ടർ ജെഫ് ബോഫോഴ്സ് പോലും ആമസോണിന് മുൻപ് ഒട്ടനവധി വെബ്സൈറ്റുകൾക്ക് രൂപം നൽകിയിരുന്നു. അവയെല്ലാം പൂർണ്ണമായും പരാജയപ്പെട്ടവയ്യായിരുന്നു. ഞാനിവിടെ പറഞ്ഞവരെയെല്ലാം നിങ്ങൾ അറിയുന്നത് അവരുടെ വിജയത്തിൻറെ പേരിലാണ്. ഇവരുടെ പരാജയത്തിൻറെ കഥ ഞാൻ ഇവിടെ പറയാൻ കാരണം ഒന്നുമാത്രം; നിങ്ങൾ എത്ര വലിയ വ്യക്തിയോ ആയിക്കൊള്ളട്ടെ നിങ്ങളിൽ "ഒരിക്കലും കീഴടങ്ങില്ല" എന്ന മനോഭാവം നിറയ്ക്കുന്നത് നിങ്ങൾ കടന്നുവന്ന വഴികളിലെ പരാജയങ്ങളാണ്, പ്രതിസന്ധികളാണ്. ഒരു കാര്യം എപ്പോഴും ഓർമ്മ വയ്ക്കുക. നിങ്ങൾ ഒരിക്കലും പരാജയപ്പെടുന്നില്ല.പകരം നിങ്ങളുടെ പരിശ്രമം മാത്രമാണ് പരാജയപ്പെടുന്നത്. ആ പരിശ്രമം നിങ്ങൾക്ക് അടുത്ത തവണയും ചെയ്യാവുന്നതേയുള്ളൂ. നിങ്ങൾ എപ്പോഴും ഒരു കാര്യം മനസ്സിലാക്കുക. പരാജയം എന്നത് വിജയത്തേക്കാൾ പതിന്മടങ്ങ് പ്രധാനപ്പെട്ടതാണ്. കാരണം ഓരോ പരാജയത്തിൽ നിന്നും നമുക്ക് ഒട്ടനവധി കാര്യങ്ങൾ പഠിക്കാൻ ഉണ്ടാകും. എന്തുകൊണ്ട് പരാജയപ്പെട്ടു? എന്ന് അന്വേഷിക്കുന്നതിന് പകരം എങ്ങനെ പരാജയപ്പെട്ടു? എന്ന് നോക്കാനാണ് നമുക്ക് ആവേശം കൂടുതൽ. അതുകൊണ്ടാണ് നിങ്ങൾ നിങ്ങളുടെ പരാജയത്തിൽ നിന്ന് ഒന്നും പഠിക്കാത്തത്.

Importance of Failure, how to achieve success

വിജയത്തിൻറെ ക്രെഡിറ്റ് നമ്മൾ സ്വയം ഏറ്റെടുക്കാൻ തയ്യാറാകുമ്പോൾ പരാജയത്തിൻറെ ക്രെഡിറ്റും സ്വയം ഏറ്റെടുക്കാൻ തയ്യാറാവണം. നിങ്ങൾ പരാജയപ്പെട്ടത് കൊണ്ട് മാത്രം നിങ്ങൾ പരാജയമാകില്ല. നിങ്ങൾ പരാജയമാകുന്നത് ആ പരാജയത്തിൽ നിന്നും നിങ്ങൾ ഒന്നും പഠിക്കാതെ ഇരിക്കുമ്പോൾ മാത്രമാണ്. കാരണം നിങ്ങൾ പുതിയതായി എന്തെങ്കിലും ആരംഭിക്കുമ്പോൾ അതിനെക്കുറിച്ച് പൂർണ്ണമായ അറിവ് നിങ്ങൾക്ക് ഉണ്ടാകില്ല. അതുകൊണ്ടു തന്നെ നിങ്ങൾ തീർച്ചയായും പരാജയപ്പെടും. പക്ഷേ അവിടെ നിന്ന് എണീറ്റ് മുന്നോട്ട് പോകാൻ ഒരിക്കലും മറക്കരുത്. ഒരിക്കൽ ഒരു മഹദ് വ്യക്തി ഇങ്ങനെ അഭിപ്രായപ്പെട്ടിട്ടുണ്ട്. "വിജയത്തിനായി എന്ത് ചെയ്യണം എന്നതിനേക്കാൾ എന്ത് ചെയ്യരുത് എന്നതിനെക്കുറിച്ചുള്ള അറിവ് നിങ്ങൾക്ക് ഉണ്ടായിരിക്കണം" എന്ന്. അത് നമ്മുടെ അനുഭവങ്ങളിൽ നിന്നും, പരാജയങ്ങളിൽ നിന്നും മാത്രമേ പഠിക്കാനാകൂ.. അതുകൊണ്ടു തന്നെ നിങ്ങളുടെ സ്വപ്നം എന്തുതന്നെയായാലും അത് യാഥാർത്ഥ്യമാകാൻ തയ്യാറാകൂ.. ബ്രൂസിലി ഒരിക്കൽ പറഞ്ഞിട്ടുണ്ട്. "പതിനായിരം കിക്ക് അറിയുന്ന ഒരാളെ എനിക്ക് ഭയമില്ല. എന്നാൽ ഒരു കിക്ക് പതിനായിരം പ്രാവശ്യം പരിശീലിച്ച ഒരാളെ തീർച്ചയായും ഞാൻ ഭയപ്പെടുന്നു" എന്ന്. ഇതിന് ഒരേ ഒരു അർത്ഥമേ ഉള്ളൂ. നിങ്ങൾക്ക് എത്ര കാര്യങ്ങൾ അറിയാം എന്നത് ഒരിക്കലും പ്രാധാന്യമർഹിക്കുന്നില്ല. പകരം നിങ്ങൾക്ക് ഒരു കാര്യം എത്ര നന്നായി അറിയാം എന്നതാണ് പ്രാധാന്യമർഹിക്കുന്നത്.ആ ഒരൊറ്റ കാര്യത്തിൽ ഫോക്കസ് ചെയ്യുക. എത്ര തവണ പരാജയപ്പെട്ടാലും അത് ഉപേക്ഷിച്ച് പുറകോട്ട് നടക്കരുത്. പരാജയത്തെ ഒരിക്കലും ഭയപ്പെടരുത്. കാരണം ഈ പരാജയം നിങ്ങൾക്ക് പണവും, വിജയവും കൊണ്ടുവന്ന് തരും.

തയ്യാറാക്കിയത്:രൂപേഷ് വിജയൻ

ഇൻസ്റ്റഗാം ഫോളോ ചെയ്യൂ

https://www.instagram.com/kvroopeshvijayan

അനുബന്ധ ലേഖനങ്ങൾ

നിങ്ങളുടെ സ്വപ്നങ്ങൾ എത്തിപ്പിടിക്കാൻ ചെയ്യേണ്ടത്

വിജയിക്കാനായ് നിങ്ങൾ ചെയ്യേണ്ടത്

ആശയക്കുഴപ്പം എങ്ങനെ ഇല്ലാതാക്കാം

ജീവിതത്തിൽ നിങ്ങൾ ഒന്നും നേടാത്തതിൻറെ കാരണം

ഭാഗ്യം നിങ്ങളെ തേടി വരാത്തത് എന്തുകൊണ്ട്

വിജയിക്കാനുള്ള ചിന്തകൾ

ജീവിതത്തിൽ വിജയിക്കാനുള്ള ശീലങ്ങൾ

ആരാണ് നിങ്ങൾ ?

വിജയം നേടാനുള്ള വഴി